इंटरनेटवर मराठी साइट्स उघडल्या की सर्वात पहिला प्रश्न उभा राहतो, तो म्हणजे नेमकं हे वेबसाइटवाले मराठीत लिहीतात तरी कसे….? इंटरनेटवर मराठीत लेखन (किंवा देवनागरी लीपीत) लेखन करणं, हा सर्वात महत्त्वाचा प्रश्न प्रत्येक मराठी माणसाला नेहमी भेडसावत असतो. तसे इतरही अनेक पर्याय उपलब्ध आहेत, मराठीत लेखन करण्यासाठी, जे मी माझ्या ’मी मराठी…!’ या वेबसाइटवर दिलेले आहेत (ते बघण्यासाठी इथे क्लिक करा.)

पण हे पर्याय वापरायला जरा अवघडच जातात, तेव्हा आता नेमकं मराठीत लेखन कसं करावं हा प्रश्न जसाच्या तसा राहतो. इंटरनेटवर असणारे बहुतेक मराठी लोक ’बराहा’ हे सॉफ्टवेअर वापरतात. हे सॉफ्टवेअर वापरायला इतके सुलभ आहे, की जसे आपण मध्ये टाइप करतो (उदा. baba) ते लगेच (बाबा) अशाप्रकारे मराठीत उमटते. असे मराठी फॉन्ट्स सुद्धा उपलब्ध आहेत (उदा. शिवाजी), पण ते युनिकोड(UTF-8) मध्ये उपलब्ध नाहीत, याचा अर्थ आपण ते इंटरनेटवर वापरू शकत नाही. पण बराहा हे सॉफ्टवेअर आपल्या मायक्रोसॉफ्टच्या सीस्टीम मध्ये इनबिल्ट असणारा ’मंगल’ हा ट्रुटाइप फॉन्ट युज करते, सो डोण्ट गेट टेन्स्डऽऽऽऽऽऽ……!!!

’बराहा’ डाउनलोड करण्यासाठी इथे क्लिक करा. (size: 1.74MB)

हे सॉफ्टवेअर इन्स्टॉल केल्यानंतर आपल्याला ’बराहा नोटपॅड’ आणि ’बराहा IME’ असे दोन आप्लिकेशन्स मिळतील. बराहा IME द्वारे आपल्याला हवी असलेली भारतीय भाषा निवडता येईल (उदा. मराठी) आणि नंतर आपण कुठेही, इंटरनेटवर कमेंट्स करण्यासाठी, आपल्या कॉम्प्युटरच्या फाइल्स आणि फोल्डर्स रीनेम करण्यासाठी इत्यादी याचा उपयोग करू शकता, अगदी मोफत!!!

शेवटी याखाली कमेंट्स पण मराठीत करा……………….!!!!

-विशाल तेलंग्रे