कळत नकळत

काल रात्री मी डिस्कवरी वरील “मॅन vs. वाईल्ड” हा माझा फेवरेट प्रोग्रॅम पाहत होतो. ९:४० वाजता मला एक फोन आला. फोनच्या नंबरची स्टार्टिंग +९१-८०…. अशी होती. तो बहुतेक भारतातूनच असावा असं मला वाटलं, कारण नंबरची सुरूवात +९१ पासून होती. मला वाटलं एखाद्या ऍडचा असेल.  आमच्या घरात “xxx”ची रेंज खुप कमी असते, त्यामूळे तो कॉल रीसीव्ह करण्यासाठी मी बाहेर आलो. कॉल रीसीव्ह करण्याच्या अगोदर आधी घडलेली गोष्ट सांगतो.

एप्रिल २००९ मध्ये २००८ च्या दहावीत असणार्‍या विद्यार्थ्यांचा बोर्डाचा ज्या दिवशी निकाल लागला, त्यावेळी मी मामांच्या गावाकडे होतो. त्यादिवशी काही दहावीत असणार्‍या मित्रांचा निकाल पाहता यावा यासाठी मी माझ्या “xxx”च्या कार्डवर नेट ऍक्सेस करण्यासाठी “xxx” रू./दिवस हा प्लॅन ऍक्टिव्ह केला होता. त्या अगोदरही मी बरेचदा असं केलं होतं. माझा नोकियाचा ३११० क्लासिक हॅंडसेट आहे, ज्यामध्ये कॉम्प्युटरला युएसबी द्वारे मोबाईल मोडेम जोडण्याची सुविधा आहे, त्यामुळे या हॅंडसेटचा मी अगदी दिवाणा आहे. त्या दिवशी सकाळी ११:०० वाजता निकाल नेटवर फ्लॅश होणार होता. त्यामुळे मी बरोबर ११:०० वाजताच तो डेलि इंटरनेट प्लॅन ऍक्टिव्ह केला. मामांकडं सुद्धा लॅपटॉप असल्यामुळे टेन्शनच नव्हतं. त्यादिवशी खुप जणांचे मी पेडे खाल्ले, अबोव्ह ९०% मार्क्स मिळविल्याबद्दल….! अनेकांनी तर पहिल्यांदाच इंटरनेट म्हणजे काय चीज आहे, ते बघितले. रात्री मामांचं क्विक हील अपडेट करून दिलं आणि झोपलो, दुसर्‍या दिवशी औरंगाबादला (मोठ्या) मामांच्या मुलासोबत (मी ज्या मामांकडे होतो ते लहाने मामा, अन मोठे इकडेच औरंगाबादला शेअर ब्रोकर आहेत. सुट्टी असल्यामुळे मोठ्या मामांच्या मुलासोबत मी दरवेळी एन्जॉय करायला गावाकडे जातो. त्याचं नाव गौरव, माझ्यापेक्षा सहा महिन्यांनी मोठा….! आणि त्याचा वाढदिवस पण १५ ऑगस्ट, हाउ लकी ही इज….! :)) पण त्या रात्रीच त्यांच्याकडे किती दिवसांपासून वाट पाहत बसलेला पहिला एवढा जोरदार पाऊस झाला, की आमचा परत येण्याचा प्रोग्रॅम कॅन्सल….! लगेच सकाळी चार वाजता अंघोळी आवरून मळ्यात, सरकी (कपाशी किंवा कापूस) लावायला….! असं कमीत-कमी सगळी पेरणी आवरेपर्यंत चाललं, चार ते पाच दिवस….!

या नांदात ती ऍक्टिव केलेली इंटरनेट सर्व्हिस बंद करायचं विसरलोच होतो मी….! तसं काही बॅलन्स जर बिलो “xxx” रू असेल तर डिडक्शन होत नसे…! औरंगाबादला परत येतेवेळी एस.टी. बसमध्ये गाणे ऐकता-ऐकता मी सहजच मोबाइलमध्ये टाकलेले ओपेरा मिनी हे नेट ब्राउजर उघडून मोबाइल ऑर्कुट उघडून बघितले. त्यावेळी बॅलन्स शुन्य पॉइण्ट काहीतरी एवढे होते. मला माहित होते की पेज ऊघडणार नाही म्हणून…! पण काय माहित पेज उघडले देखिल क्षणार्धात….! लगेच मी बॅलन्स चेक केलं, तेवढचं….! काय आश्चर्य, अजुन काही पीसी-साइट्स उघडून बघितल्या, सटासट पेजेस ऊघडत गेले….! मी तर जाम खु्श्श झालो, गौरवला सांगितले, तो पण खुश झाला….! बस्स, आता बसमध्ये नुसतं याचे-त्याचे ऑर्कुट प्रोफाइल्स पाहण्याचा खेळ चालू झाला, संपला तो मोबाइलची बॅटरी उतरेपर्यंत………! 🙂 ते नेट मी अजुनही फ्री युज करतोय आजपर्यंत….(पुढे भविष्यात काय होईल ते सांगता येत नाही.). एक दोन वेळेस मी मित्रांनी सांगितल्यावर ती सेवा बंद करण्यासाठी मेसेजेस (SMSs) देखील पाठविले, पण जैसे थे…..!

तर मी सांगत होतो, की काल रात्री मला एक अनोळखी कॉल आला, वर सांगितल्याप्रमाणे…

झालेलं संभाषण पहा:

मी: हेलो s s.., कोण?
तिकडून: हैलो, क्या आप मी. विशाल है..?(एखादा युपी माणूस बोलत आहे बहुतेक, असे जाणवले आणि त्यानंतर लगेच आवाज एकदम बंद..!)
मी: हम्म…, तुम्ही कोण…? (भरल्या आवाजात… कारण मला कळून चुकले होते की ते नक्कीच कॉल सेंटर मधले आहे..!)
तिकडून: मतलब?
मी: व्हू आर यू…?
तिकडून: मैं, मैं “xxx” कस्टमर केअर से बोल रहा हूं, सरजी आपका तो बॅंड बज गया है…! क्या आप फ्री नेट युज कर रहे हैं..? (दबक्या हसर्‍या आवाजात…)
मी: हां, देन..? (जरा घाबरलो होतो…)
तिकडून: मी. विशाल, आपको पुरे पांच सौ रू. भरने पडेंगे…! (अजुन दबक्या हसर्‍या आवाजात…)
मी: क्या….? (आता तर जाम घाबरलो होतो, गच्चीवर गेलो, घरात कोणाला ऐकू येऊ नये म्हणून..)
तिकडून: हमने आपके घर का पता भी ढूंढ लिया है, और हमारे लोग आपके घर कभी भी आ सकते हैं… आप तो गये, मी. विशाल…! (आता त्या माणसाचं हसणं एकदम वाढलं…)
मी: (वामल्यासारखा आवाजात, काहीच बोलता येत नव्हते…)
तिकडून: (तरी पण १ मिनीट तो हसतच होता..अन मी त्याच्या पुढच्या प्रतिक्रियेची वाट पाहत होतो.)

नंतर थोड्या वेळाने,

तिकडून: अरे विशाल, मी आहे दिपक, दिपक….!
मी: (मी माझ्याच धुंदीत, आणि नंतर त्याचं बोलणं नीट ऐकल्यावर कळालं, अरे यार हा तर दिपक, माझा मित्र….! 🙂 )
तिकडून: करे, 2#$&8$!*#, तुला माझा आवाज कळाला नाही का…?
मी: (रडतच…), नाही…! (अन त्यानंतर दोन- तीन शिव्या दिल्या त्याला…प्रेमळ..! :))
तिकडून(दिपक): हा…हा…हा…! अरे नविन कार्ड आलयं, टाटाचं, त्याची स्टार्टिंग ८० पासून आहे….! तेरा नेट लाईफटाईम फ्री हैं, 2#$&8$!*#…..!

आता तर मी जाम भडकलो, त्याच्यावर, लगेच फोन ठेवून दिला. आणि रात्र बिगर झोपीची काढली….! 😦

(“xxx” हे मी माझ्या सिक्युरिटीसाठी केलयं….! 🙂 )

दारात फुले झेंडूची,

लूट करा आज सोन्याची,

तुमच्या जीवनी धारा वाहू दे हर्षाची,

ही एकच शुभेच्छा दसर्‍याची…..!

विजयादशमीच्या हार्दिक शुभेच्छा...!

काही दिवसांपुर्वी स्टार प्रवाह या नविन मराठी मनोरंजन वाहिनीवर एक चित्रपट बघितला. तसा अर्ध्यापासुनच बघितला खरा पण अगदी मनातच उतरला कायमचा! त्या चित्रपटाचे नाव होते, “सनई चौघडे”! कित्येक मराठी चित्रपट प्रेमींनी बघितलेला असेलच पण मी तर प्रथमच असं काही बघितलं चित्रपटात आणि ते पण मराठीत! तर चित्रपटाचा सारांश असा कि (मी जेथुन बघितला तेथुन बरं!), त्यातली नायिका जी कि अतिशय कर्तुत्वशाली स्त्री आहे, आणि नायक, अहो आपला श्रेयस तळपदे (ओम शांती ओम मधला), यांचे अनमॅरिटल अफैर (लग्नाआधीचे प्रेम) असते, आणि ज्या दिवशी या जोडप्याला कळते, की ते आई-बाबा होणार आहेत, त्यावेळी आपल्या समजुतीप्रमाणे पळुन किंवा नायिकेला सोडुन जाणारा नायक जो असतो, तो लगेच सकाळी लग्न करण्याचे नायिकेला आश्वासन देतो, पण त्याच रात्री आकस्मितपणे नायकाचा मृत्यु होतो…. अन पुढे नायिकेवर संकटांचे वादळ कोसळते…. ’वर्जिनिटी’ हा स्त्रीयांबद्दलचा आपल्या समाजात एक महत्वाचा मुद्दा आहे, त्याला सामोरे जात नायिका कशी आपले कर्तुत्व सिद्ध करते, हे या चित्रपटात मला बघायला मिळाले. चित्रपटाची स्टोरी इंटरेस्टिंग आहे, आणि पुर्ण परिवारासोबत बघण्यासारखा सुध्दा!

अशी बरीच माणसे भेटतात, ज्यांच्याकडुन आपण नेहमी असे ऐकत असतो कि, मराठी चित्रपट खुपच कंटाळवाणे आणि उगाच टाइमपास असतात, असं म्हणणं कदाचित खरं होतं ते एक-दोन वर्षांपूर्वी, कारण आजचे चित्रपट बघुन तरी मला बिल्कुल असे वाटत नाही की, मराठी चित्रपटांचा दर्जा खालावलेला आहे म्हणून! आजचे मराठी चित्रपट हे आदर्श दिग्दर्शन आणि टेक्नॉलॉजीचा पुरेपुर वापर केलेले असतात, त्यामुळे आता डिजिटल क्वालिटिमध्ये चित्रपट बघ्यांची ही इच्छा मात्र आता पुर्ण झालेली आहे, तेव्हा मल्टिप्लेक्समध्ये आता मराठी चित्रपट बघ्यांची गर्दी वाढण्यात काही शंका नाही!

खरं पाहता, मराठी चित्रपट हे नेहमीच सेन्सिटिव्ह गोष्टिंना वाचा फोडणारे आणि समाजाला पोषक अशा बाबींना धरुन बनविले जातात, ही मराठी चित्रपट सृष्टीबद्दल उल्लेखनिय आणि गर्व करण्यासारखी बाब आहे!

वरील “सनई चौघडे” हा देखिल आजच्या सामाजिक प्रवृत्तीचे दर्शन घडवतो. त्याचप्रमाणे मागे आलेला महेश मांजरेकर दिग्दर्शित आणि एरोस इंटरनॅशनल कृत पहिला वहिला डिजिटल आणि मोस्ट थ्रिलिंग टेल्क्नॉलॉजीद्वारे बनविलेला “मी शिवाजीराजे भोसले बोलतोय!” हा मराठी चित्रपट माझ्या मते तरी कोणत्याच मराठी प्रेमीने बघायला सोडला नसेल! चित्रपट बघितला कि रक्त सळसळते, अशी या चित्रपटाची ख्याती झालिय आजकाल! “जय हो!” गाण्याचा गायक “सुखविंदर सिंग” याचे “ओ राजे!” हे गीत ऐकल्यावर तर जय हो! न मिळता, ओ राजे ला ऑस्कर मिळायला हवा होता, अशी मनात इच्छा निर्माण होणे साहजिकच आहे, कारण शेवटी आपली मातृभाषाच श्रेष्ठ असावी असे प्रत्येक मराठी प्रेमीला वाटते. या चित्रपटात मराठी माणसाला जागे करण्याचा संदेश देण्यात आलेला दिसतो, जग किती पुढे चाललेय, आणि मराठी माणुस नेहमीच स्वतःला बुडाचा समजुन चुप बसतो, त्याला त्याच्या सामर्थ्याची जाणीव व्हावी यासाठी या चित्रपटाची निर्मिती करण्यात आली असेल! तसेच या चित्रपटाने बहुतेक मराठी चित्रपटांचे रेकॉर्ड ब्रेक केल्याचे मी ऐकले होते, आणि मल्टिप्लेक्समध्ये सलग तीन ते चार आठवडे हाऊस-फुल चालला होता आणि काही ठिकाणी अजुनही चालू आहे! (या चित्रपटाबद्दल आणखी माहिती माझ्या मी मराठी या वेबसाइटवर बघण्यासाठी इथे क्लिक करा. ) याप्रमाणे लोकशाहीत राजकारणी कसे लोकांच्या भावनेशी खेळतात, याचे चित्र दाखवणारा “बाबा लगीन” हाही खुप मस्त चित्रपट आहे. समाजातील आपण मानतो त्या खालच्या स्तरातील लोकांच्या जीवनाचे वास्तविक वर्णन दाखविणारे  “टिंग्या” आणि “मातीमाय” आणि नुकताच प्रदर्शित झालेला ’गोष्ट छोटी डोंगराएवढी’ हे नाव असलेला चित्रपट (मच्छिंद्र चाटे निर्मीत आणि निळू फुलेंच्या मुख्य भुमिकेसह असलेला ),  असे हे चित्रपट पाहतांना रडू येणार नाही, असं बहुदा कधी झालं नसेल! तसेच “श्वास” हा तर खुपच अनमोल असा नजराणा मराठी चित्रपट प्रेक्षकांना मिळालायं, असं मी मानतो, या चित्रपटाला त्या वर्षाचा नॅशनल अवॉर्ड देखिल मिळाला होता. आणि असे बरेच मराठी चित्रपट आहेत, जे अविश्वसनिय असेच म्हणावे लागतील, कारण त्यांच्यामुळेच मराठी चित्रपट बघण्यासाठी लोकांचा कल दिवसेंदिवस वाढतोय! (हिंदी चित्रपटांच्या तुलनेत!)

तर आता असं म्हणण्यात काहीच वावगं नाही की, मराठी चित्रपटसृष्टीचे आता सुगीचे दिवस सुरू झालेत म्हणून!

आणि हो, आपण सर्व वाचकांनादेखील ही कळकळीची विनंती आहे की, पायरेटेड (बनावट किंवा चोरलेल्या स्क्रिप्टच्या प्रिण्ट्स) सीडीज किम्वा डीव्हीडीज ज्या अगदी कमी भावात मिळतात, त्या न बघता, सिनेमागृहांमध्ये जाऊनच मराठी चित्रपट बघावेत, जेणेकरून निर्माते आणि कलाकार यांना त्यांच्या कामाचा योग्य तो मोबदला मिळेल आणि तुम्हाला देखिल नवनविन आणि हाय क्वालिटी मराठी चित्रपट बघता येतील!

जय महाराष्ट्र….!!!

-आपला विशाल तेलंग्रे

>>> मनोगत.कॉम वर मी आत्ताच हा लेख बघितला, आणि मला राहवले नाही म्हणून लगेच प्रकाशित करतोय, खरचं खुप विनोदी आहे! (मनोगत ने माझी मन:स्थिती समजून घ्यावी!)

• कारणे द्या:

१) सिलोनला पाचूचा प्रदेश म्हणतात.

उत्तर – कारण सिलोनमध्ये पाचूला अनुकूल असे हवामान व पाऊस पडत असल्याने तिथे पाचू जास्त पिकतात म्हणून सिलोनला पाचूचा प्रदेश असे म्हणतात.

२)गांडूळ शेतकऱ्याचा मित्र आहे.

उत्तरः शेतकरी शेतात एकट्याने राबतो आणि गांडूळ त्याच्याशी गप्पा मारते, म्हणून.

३) उन्हाळ्यात दिवस मोठा तर थंडीत लहान असतो.

उत्तर – एखादी गोष्ट तापविल्याने प्रसरण पावते. उन्हाळ्यात तापमान जास्त असल्याने दिवस प्रसरण पावून मोठा होतो, तर थंडीत त्याउलट लहान होतो.

• प्रश्न-

१) आम्लराज म्हणजे काय?

उत्तरः आम्लराज आणि अल्कराज हे दोन भाऊ आहेत आणि दोघांचे आडनाव ‘राज’ आहे आणि ‘अनिता राज’ त्यांची बहिण आहे.

२) संत तुकाराम याची थोडक्यात (३-४ ओळीत) माहिती लिहा.

उत्तर – संत तुकाराम हे संत होते. त्यांचे नाव तुकाराम होते. लोक त्यांना संत तुकाराम म्हणून ओळखत.

• म्हणी पूर्ण करा:

१) साखरेचं खाणार त्याला..

उत्तर: .. जंत होणार!

• खालील बाबतीत काय होईल ते सांगा:

जळत्या मेणबत्तीवर ग्लास उपडा ठेवल्यास—-
उत्तर- ग्लास काळा होईल.

• मराठीत भाषांतर करा:

१) चिडियां पेडपर चहचहाती हैं ।
चिमण्या झाडावर चहा पितात.

२) बालिकाएं पाठशाला में जाती हैं ।
बाळीची आई शाळेत जाते.

• भविष्यकाळ करा:

तीने चोरी केली.
उत्तर: ती तुरुंगात जाईल.